Britaniya ordusunun keçmiş komandanı polkovnik Riçard Kemp Rusiya prezidenti Vladimir Putinlə bağlı şok təkliflə çıxış edib. Keçmiş komandan Putinin öldürülməsini təklif edib.
Bu barədə Editor.az Unian.net-ə istinadən xəbər verir.
Kemp hesab edir ki, Putinin öldürülməsi minlərlə insanın həyatını xilas edə bilər.
O qeyd edib ki, bu baxımdam NATO və Qərb müttəfiqləri bu ehtimalı istisna etməməlidir.
“Üsamə bin Laden, İŞİD lideri Əbu Bəkr əl-Bağdadi və İran Respublika Qvardiyasının komandiri Qasım Süleymani Qərb üçün birbaşa təhdid idi. Onların hamısı bu təhdidləri aradan qaldırmaq üçün öldürüldülər. Putin də hakimiyyətdə olduğu müddətdə daimi və ölümcül təhlükədir” – deyə Kemp bildirib.
Editor.az