Rusiya ilə Pakistan arasında əlaqələr terrorla mübarizə və Əfqanıstan məsələsində uğurla inkişaf edir.

Editor.az xəbər verir ki, bunu Rusiya prezidenti Vladimir Putin Pakistanın Müstəqillik Günü münasibətilə prezident və baş nazir Asif Əli Zərdari və Şahbaz Şərifə təbrik məktubunda bildirib. “Müxtəlif sahələrdə ikitərəfli əməkdaşlıq və regional gündəlikdəki bir çox aktual məsələlərin həlli üçün səylərin əlaqələndirilməsi yaxşı nəticələr verir”, – Rusiya lideri bildirib.

Dövlət başçısı digər məsələlərlə yanaşı, terrorçuluğa qarşı mübarizədə və Əfqanıstan istiqamətində uğurlu əməkdaşlığın olduğunu qeyd edib. Rusiya prezidenti digər məsələlərlə yanaşı, Moskva ilə İslamabad arasında münasibətlərin dostluq xarakterinə diqqət çəkib. Putin həmçinin əmin olduğunu bildirib ki, konstruktiv Rusiya-Pakistan münasibətləri həm iki dövlətin vətəndaşlarının mənafeyi, həm də beynəlxalq təhlükəsizlik və sabitliyin təmin edilməsi naminə məhsuldar inkişafını davam etdirəcək.

//Gülnarə Abasova, Editor.az