Rusiya Prezidenti Vladimir Putin Şimali Koreya lideri Kim Çen Ina onun sevdiyi cinsdən – Oryol trotteri cinsindən olan 24 at hədiyyə edib.

Bu barədə Oxu.Az “The Times” qəzetinə istinadən xəbər verir.

Məlumata görə, Putin ilk dəfə deyil ki, Kim Çen Ina at hədiyyə edir, 2022-ci ildə də Pxenyana 30 at gətirilmişdi.

Builki partiyaya isə 19 ayğır və beş madyan daxil olub, heyvanlar Primorsk diyarı ilə dar quru sərhədindən keçirilərək aparılıb.