“Putinin müəllimi” kimi tanınan rusiyalı millətçi siyasi ekspert Aleksandr Duqinin 29 yaşlı qızı Darya Duqina həftə sonu avtomobilinə qoyulmuş bombanın partlaması nəticəsində dünyasını dəyişib. Daha sonra Rusiya hücuma görə Ukraynanı ittiham edib. Müharibənin diqqət mərkəzi dəyişdi.
Bəs Darya Duqina kim idi və niyə öldürülə bilərdi?
“Ənənə” adlı millətçi festivala qatılan Duqin və qızı şənbə gecəsi birlikdə yola düşəcəkdilər, lakin Duqin son anda qızından ayrı səyahət etmək qərarına gəlib. Darya Duqina tədbirdən qayıdarkən avtomobilinə qoyulmuş bombanın partlaması nəticəsində dünyasını dəyişib. Çoxları hücumun hədəfinin qızı deyil, Aleksandr Duqinin olduğunu düşünür.
Rusiya Məxfi Xidməti (FSB) sui-qəsdin arxasında Ukraynanın olduğunu açıqlayıb. İddiaya görə, şübhəli Ukrayna vətəndaşı hücumu həyata keçirmək üçün Duqinanı və atasının ardınca Moskva vilayətində festivala gedib və hücumdan sonra Estoniyaya qaçıb. Ukrayna rəsmiləri isə bu nəzəriyyəni rədd edərək ölkənin məsələ ilə heç bir əlaqəsinin olmadığını bildiriblər. Zelenskinin müşaviri Mixailo Podolyak bildirib ki, bu, Rusiyanın uydurmasıdır. Kiyev deyir ki, bu hücumun arxasında Rusiyadakı siyasi daxili münaqişələr dayanır. Rusiya prezidenti Vladimir Putin hücumu “azad və qəddar” adlandırıb və Duqinanın “Cəsurluq” ordeni ilə təltif edilməsini təsdiqləyib. Çərşənbə axşamı Moskvada keçirilən dəfn mərasimində atası Aleksandr Duqin deyib: “O, cəbhədə Rusiya uğrunda həlak olub. O cəbhə də buradadır”.
Darya Duqina və atası Ukrayna və antiqərb təbliğatını ehtiva edən çıxışları ilə tez-tez mediada yer alırdılar. Qondarma Avrasiya hərəkatının banisi Aleksandr Duqini “Putinin müəllimi” adlandırır. O, həm də Kremldə hökm sürən ultra-millətçi ideologiyanın əsas ziyalı memarı kimi tanınır və onun fikirləri Rusiyanın siyasi elitası arasında çox populyardır. Duqinin geosiyasi nəzəriyyəsinin əsasında Rusiyanın İran və antiavropa qüvvələrinin köməyi ilə ABŞ-ın dünyada hökmranlığını sarsıtmaq missiyası dayanır. Darya Duqina həm də atasının ideyalarının fəal müdafiəçisi idi. O, Rusiyanın bir çox televiziya və ya YouTube kanallarında qonaq olub. O, həmçinin bir neçə Rusiyayönlü hökumət məqaləsi dərc edib və sosial şəbəkələrdə çox fəal olub. O, atasının ideologiyası ilə yanaşı, Ukrayna və Belarusun da daxil olduğu Şərq-Slavyan birliyindən başlayaraq Avrasiya üçün böyük Rusiyanın istəklərini bərpa etməkdən də danışırdı. 1992-ci ildə anadan olan Duqina Moskva Universitetində fəlsəfə təhsili alıb. Rusiya mətbuatında onun istedadlı və ağıllı olması ilə bağlı müəllimlərinin şərhləri yer alır. 2012-2013-cü illərdə Fransanın III Bordo Universitetində qədim yunan filosofu Platon haqqında təhsil alıb və dissertasiya işində bu mövzuya diqqət yetirib. Müstəqil rus saytı Meduza Duqinanın 2010-cu illərin ortalarında tanış olduğu dostları ilə danışıb. Onlar Duqini elektron musiqiyə marağı olan açıq fikirli gənc qadın kimi təsvir edirlər.
Darya Duqinanın atası Aleksandr Duqin o dövrdə artıq millətçi və anti-Ukrayna ideologiyası ilə tanınırdı. Ancaq zaman keçdikcə daha da qabarıqlaşmağa başladı. 2014-cü ildə Duqinin rus dilində “Məncə ukraynalıları öldürün, öldürün və öldürün, başqa heç nə danışmaq olmaz” dediyini əks etdirən bir video ortaya çıxdı. Bir çox ruslar bundan qəzəbləndi, onun Moskva Dövlət Universitetinin sosiologiya və beynəlxalq əlaqələr kafedrasının müdiri vəzifəsindən uzaqlaşdırılması ilə bağlı petisiyanı 10 mindən çox insan imzaladı. Duqin işdən çıxarıldı. Növbəti il Duqin 2014-cü ildə Krımın ilhaqında iddia edilən rola görə ABŞ və Kanada tərəfindən sanksiyaya məruz qalıb. Az sonra, dostlarının dediyinə görə, Darya Duqina dinə üz tutdu və diqqətini Rus Pravoslav Kilsəsinin təlimlərinə cəmlədi, bu da bəzi dostlarını təəccübləndirdi və onların dağılmasına səbəb oldu.
Duqina rusların Ukraynaya fevral ayında başlayan işğalını dəstəkləyib və bunun “imperiya qurulması” olduğunu yazıb. O, iyunun ortalarında, uzun müddət mühasirədə olan Mariupol şəhərinin Rusiya qüvvələri tərəfindən tamamilə işğalından az sonra Azovstal polad zavoduna baş çəkmişdi. İyul ayında o, Ukrayna haqqında dezinformasiyaya görə Böyük Britaniya tərəfindən sanksiyaya məruz qalıb. Sui-qəsddən əvvəl o, Rusiyanın ifrat sağçı “Qara yüz” nəşriyyatı ilə “İştirakçılar və şahidlərin hekayələri toplusu” kimi təsvir edilən Z kitabının qarşıdan gələn nəşri üzərində işləyirdi. Son 6 ayda hərbi maşınlarda və əsgər geyimlərində tapılan “Z” hərfi Rusiya işğalının simvoluna çevrilib.
//Gülnarə Abasova, Editor.az