İstanbul nəhəngi “Qalatasaray” klubu İtaliyanın “Kalyari” klubunda çıxış edən Joao Pedronu transfer etmək istəyir. Editor.az “sporx” a istinadən xəbər verir ki, klub artıq transfer üçün rəsmi təklif göndərdiyini açıqlayıb. “Sarı-qırmızılı”lar brazilyalı futbolçu üçün 7 milyon avro ödəməyə hazırdır. Tərəflər arasında ilk görüşdə isə ilkin razılıq əldə olunub.
Qeyd edək ki, əslən Brazilyadan olan italiyalı Joao Pedro 2014-cü ildən “Kalyari”nin uğurları üçün çalışır. Keçən mövsüm o, 39 oyunda 13 qol və 4 məhsuldar ötürmə ilə yadda qalıb.
Xatırladaq ki, Joao Pedronun İtaliya təmsilçisi ilə müqaviləsi 2023-cü ilin iyun ayında sona çatır.
//Nəzərbəy Hacıağayev, Editor.az