Ötən mövsüm “Qarabağ”dan “Neftçi”yə transfer olunan futbolçu Qara Qarayevin son zamanlar məşqlərə qatılmadığı və klub rəhbərliyi ilə arasının yaxşı olmadığı deyilir.

Editor.az  bildirir ki,  məsələ ilə bağlı Oxu.Az-ın sorğusunu cavablandıran klubun mətbuat katibi Asəf Zeynallı Qara Qarayevin komandada qalacağını bildirib.

Xatırladaq ki, Qara Qarayev 2023/24 mövsümündə “Qarabağ”dan “Neftçi” klubuna illik 250 min manatlıq maaş təklifini qəbul edərək keçmişdi. Futbolçu “ağ-qaralar”ın forması ilə çıxdığı 25 oyunda bir qol, bir məhsuldar ötürmə ilə yadda qalıb. Qara Qarayevin “Transfermarkt” portalındakı satış dəyəri isə 350 min avrodur.