Qayana Narkotiklərlə Mübarizə İdarəsi (CANU) Venesuela sərhədi yaxınlığında cəngəllikdə 4,4 ton kokainin aşkar edilərək götürüldüyünü bildirib.

CANU ekspertlərinin fikrincə, bu, Avropa ölkələrindən birinə göndərilmək üçün hazırlanan Qayana üçün rekord kokain daşımalarıdır. Bloomberg-in məlumatına görə, daşınmanın dəyəri təxminən 200 milyon dollar qiymətləndirilir. Əməliyyata hazırlıq ABŞ-ın Narkotiklərlə Mübarizə İdarəsinin dəstəyi ilə həyata keçirilib.

Əməliyyatdan əvvəl cəngəllikdə qeyri-qanuni uçuş zolağı aşkar edilib. Mütəxəssislər uçuş-enmə zolağına yaxın əraziyə baxış zamanı bir neçə çuxurda basdırılmış, budaq və yarpaqlarla örtülmüş çoxlu iri, dolu qutular aşkar ediblər. Oradan iki pulemyot da tapılıb. Mütəxəssislərin fikrincə, narkotiklər hava yolu ilə anbara çatdırılıb, sonra isə çay boyunca dənizə endirilməli və oradan Avropaya göndərilmək üçün gəmiyə yüklənməli idi.

Qutuların içindəkilər yoxlanıldıqdan sonra onlar Qayana Narkotiklərlə Mübarizə Agentliyi tərəfindən məhv edilib. Qayanın təhlükəsizlik naziri Robeson Benn əməliyyatla bağlı bildirib ki, Qayana “bütün bu qeyri-qanuni fəaliyyətin qurbanı olub” və onun ölkəsində kokain istehsal olunmur.

//Samir Qurbanov, Editor.az