Dünən keçirilən referendumda Qazaxıstan vətəndaşlarının 70%-dən çoxu respublikada atom elektrik stansiyasının tikintisinə səs verib.

MSK ilkin məlumatları açıqlayıb. Komissiya səsvermədə AES-in tikintisini dəstəkləyən qazaxıstanlıların dəqiq faizini açıqlayıb – 71,12%.

Siyahılarda 12,2 milyondan çox Qazaxıstan vətəndaşı olub ki, onlardan da 7,8 milyondan çoxu səs verib. 7,8 milyon qazaxıstanlının 5,5 milyonu Almatı vilayətində atom elektrik stansiyasının tikintisini dəstəkləyib.
Xatırladaq ki, Qazaxıstanda atom elektrik stansiyasının tikintisi ilə bağlı referendum ötən gün baş tutub.

//Samir Qurbanov, Editor.az