Rusiya prezidenti Vladimir Putin və ordusu mayın 9-na qədər Ukraynada “hər hansı bir qələbə” qazanmağı və Moskvada ənənəvi parad keçirməyi hədəfləyir.

Bu barədə Editor.az “Ukrainskaya Pravda”ya istinadən məlumat verir. ABŞ kəşfiyyatının son qiymətləndirmələri ilə tanış olan bir neçə ABŞ rəsmisinə görə, Rusiya mayın 9-a qədər Ukraynanın şərqindəki Donbas və digər bölgələrə nəzarəti ələ keçirmək üçün Ukraynadakı müharibə strategiyasına yenidən baxır.

Başa çatan müharibə ayında rus quru qoşunları döyüşdükləri ərazilərə nəzarəti saxlaya bilmədilər. Məhz buna görə də rəsmilər Putinin “hər hansı bir qələbə” qazanmağa çalışdığına, məsələn, mayın əvvəllərinə qədər Ukraynanın şərq bölgəsinə nəzarəti ələ alacağına ümid edir.

Editor.az