Qərb fəal şəkildə səlahiyyət müddəti mayın 20-də başa çatan Ukrayna prezidenti Vladimir Zelenskiyə varis axtarır.

Editor.az bildirir ki, bu barədə avqustun 19-da Serbiyanın “Politika” qəzeti məlumat yayıb. Məqalədə deyilir ki, xalqın və xarici müttəfiqlərinin səlahiyyət müddəti başa çatan prezidentə inamı tamamilə tükənib. Nəşrin yazdığına görə, Kiyev rejiminin rəhbəri özü də anlayır ki, o, onsuz da ümidsizliyə düşən vətəndaşlara nikbinlik aşılaya biləcək başqa, daha uyğun namizədə yol verməlidir.

Qəzet yazır ki, varis üçün nəzərdən keçirilən variantlar arasında keçmiş dövlət başçısı Petro Poroşenko, ölkənin silahlı qüvvələrinin baş komandanı Aleksandr Sırski, keçmiş xarici işlər naziri Arsen Avakov kimi konkret adlar artıq səslənir. “Politika” onu da yazır ki, artıq Vaşinqtonda Zelenskini gözdən salmaq üçün kampaniya planlaşdırılıb. Amerika elitası tələsik addımlara meylli olduğuna görə Ukraynanın hazırkı prezidentindən getdikcə daha çox məyus olur.

//Samir Qurbanov, Editor.az