Qırğızıstan prezidenti ABŞ-ı respublikanın işlərinə qarışmamağa çağırıbbackend

Qırğızıstan prezidenti ABŞ-ı respublikanın işlərinə qarışmamağa çağırıb

  • whatsapp
  • messenger
  • telegram
  • vkontakte
  • odnoklassniki

Qırğızıstan prezidenti Sadır Japarov ABŞ və digər ölkələri ölkənin daxili işlərinə qarışmamağa, respublikada baş verən proseslərə obyektiv qiymət verməyə çağırıb.

Editor.az bu barədə TASS-a istinadla xəbər verir.

“Biz bərabərhüquqlu əməkdaşlığın tərəfdarıyıq, bütün ölkələr və beynəlxalq tərəfdaşlarla, o cümlədən ABŞ ilə birgə işləməyə hazırıq. Mənim yeganə xahişim ölkəmizin daxili işlərinə qarışmamaqdır”, – deyə Japarov bildirib.

Bu bəyanat ABŞ dövlət katibi Antoni Blinkenin Qırğızıstan prezidentinə göndərdiyi mesaja cavab olub. Qırğızıstanın xarici işlər naziri Jeenbek Kulubayev fevralın 11-də ABŞ-ın Bişkekdəki səfiri Lesli Viqeri ilə görüşüb və Qırğızıstandakı vətəndaş cəmiyyəti ilə bağlı narahatlığını ifadə edən mesajı ABŞ dövlət katibinə çatdırıb.

//Gülnarə Abasova, Editor.az