Abşeronda üç avtomobil toqquşub, 2 nəfər xəsarət alıb.

APA xəbər verir ki, hadisə Duz gölünün yaxınlığında baş verib.

Belə ki, 90-HN-009 dövlət nişanlı “Mercedes” markalı avtomobili idarə edən Hüseynova Gülnar Əsəd qızı sükana nəzarəti itirib.

Avtomobil “Nissan”a, daha sonra “Mercedes” və “VAZ 2106” markalı nəqliyyat vasitələrinə çırpılıb. Qəza zamanı üç nəfər xəsarət alıb.

Qeyd edək ki, “Mercedes Galandewagen”nin sürücüsü Gülnar Hüseynova “Qurtuluş 93” MTK-nın rəhbəri Məhərrəm Novruzovun həyat yoldaşıdır.

İyunun ortalarında M.Novruzovun kürəkəni Kərbalayev Elşad Məhərrəm oğlu da idarə etdiyi 10-CO-002 dövlət nömrə nişanlı “Range-Rover” markalı nəqliyyat vasitəsilə ağır qəza törədib. O, sərxoş vəziyyətdə “Damas” markalı nəqliyyat vasitəsi ilə toqquşub, nəticədə “Damas”da olan 4 nəfər ölüb.