Volqoqradda (RF) Qurani-Kərimi yandırmaqda şübhəli bilinərək həbs edilən Ukrayna əsilli Nikita Juravel bildirib ki, Qroznı şəhərinin istintaq təcridxanasında Ramzan Kadırovun oğlu Adam Kadırov tərəfindən döyülüb.

Editor.az bildirir ki, bu barədə Rusiya Federasiyasının İnsan Hüquqları üzrə Müvəkkili Tatyana Moskalkova avqustun 16-da Telegram-da məlumat verib. Moskalkova bildirib ki, həbs edilən şəxsdən şikayət ərizəsi alıb və Çeçenistan Ombudsmanına yoxlama aparılması və “döyülmə hallarının tibbi ekspertizasına və şahidlərin ifadələrinə diqqət yetirilməsi” xahişi ilə müraciət edib.

“Qroznı-inform” dövlət agentliyinə istinadən Çeçenistan Respublikasının insan hüquqları üzrə müvəkkili Mansur Soltayev təsdiqləyib ki, həqiqətən də Juravel belə bir şikayət verib. Onun sözlərinə görə, Ombudsman Moskalkovanın müraciətindən sonra artıq Qroznı istintaq təcridxanasına baş çəkib.

“Müvafiq müraciət daxil olub və mən şəxsən istintaq təcridxanasına getdim… Söhbət zamanı Nikita [Juravel] dedi ki, Çeçenistan Respublikasının başçısı ilə görüş günü, Ramzan Axmatoviç dükanı tərk etdikdən sonra Adam Kadırov kamerada onu döyüb”, – Soltayev bildirib. “Çeçenistan Respublikasında heç kəs işgəncəyə məruz qala və döyülə bilməz. Konkret yoxlama aparılacaq”, – Soltayev söz verib.

//Samir Qurbanov, Editor.az