Rəcəb Tayyib Ərdoğan “Ankaragücü” klubunun prezidenti tərəfindən döyülən futbol hakimi Halil Umut Melerə zəng edib

Türkiyə lideri Rəcəb Tayyib Ərdoğan futbol hakimi Halil Umut Meler ilə telefonla əlaqə saxlayıb.

Editor.az bildirir ki, bu barədə Türkiyənin daxili işlər naziri Əli Erlikaya məlumat verib. Prezident xəsarət alan hakimə tezliklə sağalmasını və ən xoş arzularını çatdırıb. O, Türkiyə çempionatında oyun zamanı baş verən insidenti də pisləyib.

Xatırladaq ki, Meler meydana qaçan və daha sonra hakimi döyən Türkiyənin “Ankaragücü” klubu prezidentinin əlindən xəsarət alıb. Bununla əlaqədar Türkiyə çempionatında fasilə elan olunub.

//Samir Qurbnov, Editor.az