Türkiyə prezidenti Rəcəb Tayyib Ərdoğan İsraili terror təşkilatı adlandırıb və İsrailin HƏMAS ilə müharibənin nəticələrindən məyus olacağını proqnozlaşdırıb.

O, həmçinin İsrailin baş naziri Benyamin Netanyahudan ölkənin nüvə silahına sahib olub-olmadığını aydınlaşdırmağa çağırıb.

Editor.az bildirir ki, bu barədə Türkiyə prezidenti parlamentin hakim Ədalət və İnkişaf Partiyasının fraksiya üzvləri qarşısında çıxışı zamanı deyib: “Birmənalı şəkildə deyirəm: İsrail terror dövlətidir “. O, Fələstinin HƏMAS hərəkatının, əksinə, qanuni siyasi qüvvə olduğunu vurğulayıb.

“HƏMAS seçkilərdə qalib gələn siyasi partiyadır” – Türkiyə prezidenti deyib. Ərdoğan bildirib ki, Ermənistan Qarabağ münaqişəsində məyus olduğu kimi, İsrail-Fələstin müharibəsinin nəticələrindən İdə srail məyus olacaq. Türkiyə prezidenti həmçinin İsrailin baş nazirini ölkənin nüvə silahına malik olduğunu etiraf etməyə çağırıb.

//Samir Qurbanov, Editor.az