Səudiyyə Ərəbistanının “Əl Nəsr” klubu baş məşqçi Rudi Qarsiyanı istefaya göndərib. 

Edıtor.az xəbər verir ki, bu barədə “Marca” nəşri məlumat yayıb. “Əl-Nəsr”in son vaxtlardakı nəticələri komanda daxilində narazılıq yaradıb. 59 yaşlı mütəxəssislə futbolçuların münasibətləri də korlanıb.

Bildirilir ki, Qarsiya “Əl Feyha” ilə ötən həftə sonu keçirilən oyundan (0:0) paltardəyişmə otağında futbolçularla mübahisə edib. Bu da klub rəhbərliyinin etirazına səbəb olub.

Həmin görüşdən sonra açıqlama verən “Əl-Nəsr”in hücumçuçu Kriştiano Ronaldu Qarsiyadan narazılığını ifadə edib.

Qeyd edək ki, hazırda “Əl Nəsr” Səudiyyə Ərəbistanı çempionatında “Əl-İttihad”dan 3 xal geri qalaraq ikinci yerdədir. / Yenisabah.az