“Yuventus”un hücumçusu Kriştianu Ronaldu dünən seriyasının 22-ci turunda “Napoli”yə məğlubiyyətə (0:1) qısa münasibət bildirib.

Editor.az qol.az-a istinadən xəbər verir ki, portuqaliyalı futbolçu özünün İnstaqram səhifəsində komandasının şəklini paylaşaraq bu sözləri yazıb:

“Bu məğlubiyyət bizi sındıra bilməz. Gəlin, başımızı qaldıraq və çempionluq haqda düşünək”.

Qeyd edək ki, hazırda A seriyasında “Milan” 22 oyundan 49 xalla birinci, “Yuventus” 21 görüşdən 42 xalla üçüncü yeri tutur.