Rusiya Hərbi Dəniz Qüvvələri “Okean 2024” strateji komanda-qərargah təlimlərinə başlayıb.

Bu təlimlər zamanı saxta düşmənin strateji hədəflərini vurmaq məşq ediləcək. A zonra Çin də təlimlərə qoşulacaq.

Editor.az bildirir ki, bu barədə Rusiya Müdafiə Nazirliyi sentyabrın 10-da Telegram-da məlumat yayıb. Bildirilir ki, manevrlər Sakit və Şimal Buzlu okeanların, Aralıq dənizi, Xəzər və Baltik dənizlərinin sularında keçiriləcək. “400-dən çox döyüş gəmisi, sualtı qayıqlar və köməkçi donanma üçün yardımçı gəmilər, Hərbi Dəniz Qüvvələri və Aerokosmik Qüvvələrinin dəniz aviasiyasının 120-dən çox təyyarə və helikopteri, təxminən 7 min ədəd silah, hərbi və xüsusi texnika, o cümlədən 90 mindən çox kadrlar cəlb olunacaq”, – mesajda deyilir.

Təlimlərdə iştirak etmək üçün Rusiya Federasiyasının tərəfdaşları olan xarici dövlətlərin hərbi komandanlıq orqanlarının əməliyyat qrupları və hərbi kontingentləri də dəvət olunub. Çin Müdafiə Nazirliyi ölkə ordusunun bu təlimlərdə iştirak edəcəyi barədə təfərrüatsız məlumat verib. Departamentin məlumatına görə, iki donanma Sakit okeanda beşinci dəfə birlikdə üzəcək. Çin hərbçiləri bildiriblər ki, Rusiya Federasiyasının iştirakı ilə növbəti təlim “Northern United-2024-2024” sentyabrda Yaponiya dənizi və Oxotskda baş tutacaq.

//Samir Qurbanov, Editor.az