Rusiya Xarici İşlər Nazirliyi xəbər verir ki, Moskva Avstriya hökumətinin Rusiyanın Vyanadakı səfirliyinin 4 əməkdaşını persona non-qrata elan edən addımına cavab olaraq tədbirlər görüb.

Editor.az bildirir ki, bununla bağlı Avstriya səfiri Verner Almxofer iofisə çağırılıb və ona müvafiq nota təqdim edilib. Diplomatla söhbətində ona məlumat verilib ki, Vyananın hərəkətləri nəticəsində təkcə Rusiya-Avstriya münasibətlərinə deyil, həm də Avstriyanın özünü neytral tərəf kimi təqdim etdiyi üçün dünya miqyasında imicinə də ziyan dəyib.

Bundan əlavə, dörd avstriyalı diplomat da arzuolunmaz şəxs elan edilib və onlara Rusiyanı tərk etmək üçün bir həftə vaxt verilib. Almxoferin diqqəti həmçinin Avstriyaya çoxtərəfli tədbirlər üçün gələn nümayəndə heyətləri üçün vizaların alınması ilə bağlı problemlərə də diqqəti cəlb edilib. Nazirlik qeyd edib ki, bu cür çətinliklərin yaranması Avstriyanın beynəlxalq görüşlərin təşkilatçısı kimi üzərinə götürdüyü öhdəliklərə uyğun gəlmir.

  //Samir Qurbanov, Editor.az