Dekabrın 17-də axşam saatlarında Sakit okeanda Simuşir adası yaxınlığında (Kuril silsiləsi) Rusiya bayrağı altında uçan “Merkuri” tankerinin mühərriki sıradan çıxıb.

Bu barədə Rusiya Federasiyasının Saxalin vilayəti üzrə Fövqəladə Hallar Nazirliyi məlumat yayıb. “Petropavlovsk-Kamçatski şəhərinin dəniz xilasetmə yarımmərkəzinə məlumat daxil olub ki, Sakit Okeanda, Simuşir adasından 50 km şimal-şərqdə “Merkuri” tankerinin əsas mühərrikinin dayanması nəticəsində gücü kəsilib.

Fövqəladə Hallar Nazirliyi də tankerin mühərrikinin sıradan çıxdığını bildirib. Rusiya departamenti 19 nəfərdən ibarət ekipajın həyatı üçün təhlükə olmadığını iddia edir. “Dekabrın 18-nə keçən gecə dəniz xilasetmə xidmətinin “Rubin” xilasetmə gəmisi Korsakov limanını tərk edərək onu limana çəkmək üçün təcili yardım gəmisinə yollanıb”, – Rusiya Fövqəladə Hallar Nazirliyi yazıb.

//Samir Qurbanov, Editor.az