Ermənistan təhlükəli məhsullar ixrac etməyə başladıqdan sonra Rusiya 16 tədarükçüdən tərəvəz və meyvə idxalını dayandırmaq niyyətindədir.

Bu, Rosselxoznadzorun rəhbəri Yuliya Şvabauskiene ilə Ermənistan Qida Təhlükəsizliyi Müfəttişliyinin rəis müavini Sonay Tsarukyan arasında söhbətdən sonra məlum olub. Bu il Ermənistan Rusiya Federasiyasına 80 min tona yaxın meyvə və tərəvəz idxal edib. Ən çox idxal olunan məhsullar ərik, pomidor, alma və bibərdir. Rosselxoznadzor Rusiyaya daxil olan Ermənistan məhsullarının yarıdan çoxunun fitosanitar nəzarəti departamentinə verilmədiyini, bunun məcburi olduğunu bildirib.

Bu səbəbdən Rusiya tərəfi qanun pozuntusuna yol vermiş Ermənistandan tədarükçülərə fitosanitar sertifikatların verilməsini dayandırmağı xahiş edib. Hər iki ölkənin informasiya sistemlərinin bu sahədə inteqrasiyası etibarlı sertifikatların onlayn izlənilməsinin rahatlığını xeyli artıracaq və şöbənin işini sadələşdirəcək. Ermənistanın təftiş qurumu Rusiyanın sistematik pozuntularla bağlı narahatlığına cavab verib. Heyət yoxlamaya başlayəb və nəticələri Rosselxoznadzor-a göndəriləcək. Gələn ay isə Rusiya departamentinin nümayəndələri Ermənistana səfər edəcək və Rusiya Federasiyasına ixrac olunacaq məhsulların istehsal, emalı və saxlanma yerlərini yoxlayacaqlar.

//Samir Qurbanov, Editor.az