Almaniyanın DPA agentliyi mənbələrə istinadən yazır ki, Baltik dənizində Rusiya gəmisinin ekipajı Almaniya silahlı qüvvələrinə məxsus helikopterə atəş açıb.

İddialara görə, Almaniyanın xarici işlər naziri Annalena Berbok NATO ölkələrinin xarici işlər başçılarının Brüsseldə keçirilən toplantısı çərçivəsində insidentlə bağlı danışıb. DPA-nın məlumatına görə, Bundesverə məxsus helikopter patrul xidməti həyata keçirib. Hadisənin digər təfərrüatları açıqlanmır. Agentlik yazır ki, xanım Berbok “Rusiyadan gələn hibrid hücumların artması” səbəbindən Baltik dənizində kritik infrastruktura, o cümlədən boru kəmərlərinə və şəbəkə kabellərinə nəzarəti gücləndirmək lazım olduğunu bildirib.

Fövqəladə hallarda məşəllərdən istifadə olunur. “Reuters” xəbər verir ki, Almaniya Müdafiə Nazirliyinin nümayəndəsi jurnalistlərin insidentlə bağlı şərh verməsini xahiş etdikdə, bu məlumatı təsdiq edə bilməyəcəyini bildirib. Rusiya rəsmiləri hələlik bu xəbəri şərh etməyiblər.

//Samir Qurbanov, Editor.az