Editor.az xəbər verir ki, bu barədə Türkiyənin “Milliyet” qəzeti məlumat yayıb. Məlumatda qeyd olunur ki, Türkiyə Rusiya prezidenti Vladimir Putinin çıxışlarını təhlil edəndən sonra “Moskva Qərblə uzunmüddətli anlaşma istəyir” qənaətinə gəlib. “Plan bütün Qərb paytaxtlarına deyilməyib, lakin mühüm və özəl kanallar vasitəsilə ABŞ-a çatdırılıb.

Vaşinqtondakı nüfuzlu məmurların planla bağlı ilk şərhləri müsbət olub”, – türk nəşri iddia edir. “Milliyet” bu danışıqların Rusiyanın Ukraynaya genişmiqyaslı müdaxiləsini də əhatə edib-etməyəcəyini dəqiqləşdirməsə də, “Ankara da Ukraynanın istəyinə hörmətlə yanaşır və açıq şəkildə müharibənin taktiki nüvə silahından istifadə etmədən sülhə qayıtmalı olduğunu deyir”. Eyni zamanda, Moskvanın belə bir dialoqa razı olub-olmayacağı məlum deyil, materialda deyilir. Xatırladaq ki, bir müddət əvvəl Türkiyə prezidentinin müşaviri İbrahim Kalın bildirmişdi ki, Rusiya prezidenti Vladimir Putin Qərblə “yeni böyük sövdələşmə” bağlamağa çalışır və bu, xüsusən də Moskvanın danışıqlar aparmaq istəyi ilə izah oluna bilər.