Uzun müddət karbohidrogen ixracına arxalanan Rusiya iqtisadiyyatı qarşıdakı illərdə ciddi problemlərlə üzləşəcək.

Editor.az xəbər verir ki, Rusiya Elmlər Akademiyasının Enerji Tədqiqat İnstitutunun (IEI RAS) ekspertlərinin proqnozlarına görə, Rusiya bundan sonra xaricə neft, qaz və kömür tədarükünün əvvəlki həcmlərinə qayıda bilməyəcək.

Tədqiqatçılar hesablayıblar ki, 25 il ərzində Rusiya yanacaq ehtiyatlarının ümumi ixracı 40%, ondan əldə edilən gəlir isə 2,8 dəfə azalacaq. 2021-ci ildə 821 milyon ton yanacaq ekvivalenti ixrac olunarsa, 2050-ci ildə bu rəqəm 486 milyon tona qədər azalacaq. Rusiyanın onilliklər ərzində texnologiya və istehlak malları idxal etdiyi karbohidrogenlərin satışından əldə edilən valyuta gəlirləri də mənfi dinamika nümayiş etdirir. Əgər 2021-ci ildə gəlir 315 milyard dollar olarsa, 2030-cu ildə 146 milyard dollara, 2050-ci ildə isə 114 milyard dollara düşəcək.

Ekspertlər vurğulayıblar ki, Qərb texnologiyalarına və əsas satış bazarlarına çıxışın itirilməsi Rusiyanın yanacaq-energetika kompleksi üçün ciddi məhdudiyyətlərə çevriləcək.

//Gülnarə Abasova, Editor.az