NATO ilə Rusiya arasında “bir gərginlik” yaranarsa, Finlandiya onun ilk qurban olacaq.

Editor.az bildirir ki, bu bəyanatla Rusiya Federasiyasının Vyanadakı beynəlxalq təşkilatlar yanında daimi nümayəndəsi Mixail Ulyanov çıxış edib.

Diplomat qeyd edib ki, Rusiya tərəfi Finlandiyaya neytral və mehriban qonşuluq münasibətlərini qoruyan dost ölkə kimi baxır.

Bununla belə, onun sözlərinə görə, Şimali Atlantika Alyansına qoşulması Rusiyanı cavab addımları atmağa, o cümlədən Leninqrad və Moskva hərbi dairələrinin yenidən yaradılması barədə qərar qəbul etməyə məcbur edib. “Biz sakit, dinc yaşadıq və gözlənilmədən alyansın tərkib hissəsi kimi Rusiya ilə NATO arasında qaldıq.

Lakin onlar bizimlə qonşudurlar və Allah eləməsin, əgər gərginlik olarsa, ilk əvvəl Finlandiya özü zərər görəcək”. Bundan əlavə, Ulyanov Vaşinqton və Helsinki arasında Amerika ordusuna Finlandiyadakı hərbi obyektlərə giriş imkanı verən müdafiə sahəsində əməkdaşlıq haqqında sazişin imzalanmasını “ciddi çağırış” adlandırıb.

//Samir Qurbanov, Editor.az