Dekabrın 21-də Rusiya Prezidenti Vladimir Putinə silahlı qüvvələrinin sayını təxminən 30% artıraraq 1,5 milyona çatdırmaq planları təqdim olunub. Bununla belə, Ukraynadakı müharibədə davamlı itkiləri nəzərə alaraq, Rusiyanınbu qədər əsgəri orduya necə cəlb etməyi planlaşdırdığı hələ də aydın deyil.

Editor.az xarici mediaya istinadən xəbər verie ki, bu barədə Britaniya kəşfiyyatının məlumatında deyilir. Rusiyanın müdafiə naziri Sergey Şoyqu genişlənmənin Rusiyanın şimal-qərbindəki diviziya gücünə əsaslanacağını bildirib: “Bura ən azı iki briqada gətiriləcək. Bu, Finlandiya və İsveçin NATO-ya daxil olmaq təhlükəsini göstərir”.

Ekspertlərin fikrincə, ordunu genişləndirmək niyyəti Rusiya Federasiyasının yeni uzunmüddətli çağırışlara uyğunlaşmağa çalışdığına dair ilk nümunələrdən biridir. Rusiya Ordusunun Ukraynadakı gündəlik itkilərini nəzərə alsaq, qoşunların sayının uğurlu artımı şübhə doğurur.

Ukraynada qüvvələrinin misli görünməmiş təzyiq altında olduğu bir vaxtda Rusiyanın bu cür genişlənmə üçün əsgərləri necə tapacağı hələ də qeyri-müəyyən olaraq qalır.

Amerika Müharibə Araşdırmaları İnstitutunun analitikləri hesab edirlər ki, Rusiya bu planlarını reallaşdırmaqda uğur qazana bilməyəcək.

//Gülnarə Abasova, Editor.az