Rusiya yenə də pilotsuz təyyarə hücumundan şikayət edib.

Editor.az bildirir ki, Rusiya Müdafiə Nazirliyi Rusiya hava hücumundan müdafiə sistemi tərəfindən vurulduğu iddia edilən 28 pilotsuz uçan aparatı sayıb.

“Bu gecə Kiyev rejiminin Rusiya Federasiyası ərazisindəki obyektlərə PUA-lardan istifadə etməklə terror aktı törətmək cəhdinin qarşısı alınıb. Belqorod, Kursk vilayətləri və Qara dəniz əraziləri üzərində növbətçi hava hücumundan müdafiə sistemləri Ukraynanın 28 pilotsuz uçuş aparatını ələ keçirib və məhv edib. Bu gecə, oktyabrın 18-də Rusiyanın Belqorod vilayətində partlayış səsləri eşidilib”.

Öz növbəsində, Rusiya Federasiyasının Belqorod vilayətinin qubernatoru Vyaçeslav Qladkov altı PUA-nın məhv edilməsi barədə məlumat verib. “Belqorod vilayətində və Yakovlevski şəhər rayonunda hava hücumundan müdafiə sistemi 6 təyyarə tipli PUA-nı vurub.

Operativ xidmətlər fəsadlar barədə məlumatları dəqiqləşdirir. İlkin məlumatlara görə, tələfat və dağıntı yoxdur”, – məlumatda deyilir. “Crimean Wind” Telegram kanalının məlumatına görə, Yevpatoriyada yerli sakinləri oyadan güclü partlayış baş verib. Partlayışın Saki rayonunda, ehtimal ki, Zaozernoye yaxınlığında və Romaşkino kəndi ərazisində də baş verib.

//Samir Qurbanov, Editor.az