İstanbulda keçiriləcək Rusiya-Ukrayna danışıqlarının üçüncü raundunun tarixi məhbus mübadiləsi başa çatdıqdan sonra məlum olacaq.

Oxu.Az-ın TASS istinadən xəbərinə görə, bu barədə Rusiya prezidentinin mətbuat katibi Dmitri Peskov məlumat verib.

“Hazırda biz İstanbulda birbaşa Rusiya-Ukrayna danışıqlarının ikinci raundu zamanı əldə olunmuş humanitar razılaşmaların həyata keçirilməsi üzərində işləyirik. Razılaşdırılmış bütün prosedurlar, mübadilə başa çatdıqdan sonra üçüncü raundun tarixini müəyyənləşdirməyin vaxtı çatacaq”, – deyə Peskov bildirib.