Ukrayna Təhlükəsizlik Xidməti Şimali Koreyadan uzaqmənzilli silahlardan istifadə etməklə Rusiya Federasiyasının Ukraynanın mülki infrastrukturuna hava hücumları faktlarını sənədləşdirib.

Editor.az USQ mətbuat mərkəzinin verdiyi məlumata istinadən bildirir ki, söhbət KXDR-də istehsal olunan “Hwasong-11” (KN-23/24) tipli ballistik raketlərdən gedir. Müstəntiqlərə görə, Rusiya hərbçiləri Şimali Koreyanın 20-dən çox silahını Ukrayna ərazisinə atıblar.

Kəşfiyyat xidməti bildirir ki, düşmənin atışları nəticəsində azı 24 mülki şəxs həlak olub, yüzdən çox dinc sakin isə ağır yaralanıb. “KXDR-in təcavüzkar tərəfindən ballistikadan istifadə etməsi ilə bağlı ilk faktlardan biri 2023-cü il dekabrın 30-da Zaporojyenin atəşə tutulması zamanı qeydə alınıb. Şimali Koreya raketlərinin növbəti hücumu işğalçılar tərəfindən bu il yanvarın əvvəlində həyata keçirilib. Kiyevdə yaşayış binası dağılıb, 4 paytaxt sakini həlak olub, daha 50-dən çoxunun vəziyyəti ağırdır”, – məlumatda deyilir.

Bundan əlavə, SBU-nun bildirdiyinə görə, ruslar Donetsk vilayətinin beş cəbhə xəttində yerləşən kəndlərində yaşayış binalarını Şimali Koreyanın ballistik raketləri ilə vurub, nəticədə 17 mülki şəxs həlak olub. İşğalçılar həmçinin Xarkov sakinlərinin şəxsi evlərinə Şimali Koreya raketləri atıb və bununla da 3 dinc sakini öldürüblər, 60-dan çox Xarkov sakini ağır yaralanıb. “İndi bütün bu faktlar Təhlükəsizlik Xidmətinin müstəntiqləri tərəfindən Ukrayna Cinayət Məcəlləsinin iki maddəsi ilə cinayət işi çərçivəsində sənədləşdirilir: 111-2 (təcavüzkar dövlətə yardım); 438-ci (müharibə qanunlarını və adətlərini pozma) Cinayətlərin bütün hallarının müəyyən edilməsi və günahkarların məsuliyyətə cəlb edilməsi üçün kompleks tədbirlər davam etdirilir.

Digər məsələlərlə yanaşı, Şimali Koreya silahlarının Rusiya ərazisinə tədarükü üçün logistik marşrutlar yaradılır”, – SBU qeyd edib.

//Samir Qurbanov, Editor.az