Qərb mediası martın 29-da Türkiyədə Ukrayna və Rusiya nümayəndə heyətləri arasında baş tutacaq danışıqların detalları ilə bağlı xəbər yayıb.

Editor.az xəbər verir ki, nüfuzlu “Financial Times” nəşrinin yazdığına görə, Rusiya Ukraynaya qarşı bir sıra tələblərindən imtina edib.

Nəşrin mənbələri bildirir ki, Moskva artıq Kiyevdən rus dilinin demilitarizasiya, denazifikasiya və qorunmasını tələb etmir.

Bundan əlavə, Rusiya Ukraynanın Avropa İttifaqının bir hissəsi olacağını qəbul etməyə hazırdır.

Lakin Rusiya hələ də Ukrayna ilə NATO-ya daxil olmaq barədə razılığa gəlməyə hazır deyil.

Qərb mediası iddia edir ki, Kiyev və Qərb ölkələri Rusiyanın bu cür güzəştlərə gedəcəyinə çox şübhə ilə yanaşırlar: “Çünki onlar Vladimir Putinin bu vəziyyətdən “tüstü pərdəsi” kimi istifadə edəcəyini, ehtiyatlarını artıracağını və yenidən hücuma kəcəcəyini ehtimal edirlər”.

Rusiya ilə danışıqlar qrupunun da üzvü olan “Xalqın qulluqçusu” fraksiyasının rəhbəri deputat David Arakhamia deyib ki, tərəflər təhlükəsizlik zəmanətləri və Aİ-yə üzvlük məsələlərində konsensusa yaxın olsalar da, diplomatik sıçrayış ehtimalına çox diqqətlə yanaşmaq lazımdır.

Deputat bildirib ki, imzalanacaq təhlükəsizlik müqaviləsi özündə NATO-nun nizamnaməsindəki kollektiv müdafiə müddəasına bənzər təhlükəsizlik təminatlarını da əhatə edir: “Yəni, imzalayan ölkələr Ukraynaya hücum olarsa, onu müdafiə etməyə borclu olacaqlar”.

Müqaviləni 11 ölkənin-Rusiya, Çin, ABŞ, Böyük Britaniya, Kanada, Fransa, Almaniya, İtaliya, Polşa, Türkiyə və İsrail ratifikasiya etməsi nəzərdə tutulub.

Qeyd edək ki, Ukrayna Prezidenti Vladimir Zelenski Ukraynanın neytral statusunu müzakirə etmək üçün əvvəlcə Rusiya qoşunlarının ölkədən çıxmalı olduğunu, daha sonra isə bu məsələ ilə bağlı referendum keçirmək lazım olduğunu bildirib.

//Fərrux, Editor.az