Rusiya ilə ABŞ arasında silahlı münaqişə ehtimalı Vaşinqtonun növbəti addımlarından asılıdır, lakin Moskva gərginliyin artmasına qarşı xəbərdarlıq edir.

Editor.az xəbər verir ki, bunu Rusiya Xarici İşlər Nazirliyinin rəhbərinin müavini Sergey Ryabkov deyib. O bildirib ki, Rusiya Federasiyası ABŞ-la siyasi və hərbi münaqişə ssenarilərini “bütün rakurslardan” hesablayır. Onun fikrincə, Rusiyaya strateji məğlubiyyət vermək kursunun “yaxın gələcəkdə” dəyişməsi ehtimalı azdır: ” ona görə də mümkün qədər səfərbər olmaq və həqiqətən ciddi düşmənlə üz-üzə olduğumuzu hamıya göstərməyə hazır olmaq lazımdır”.

Rusiya Federasiyası xarici işlər nazirinin müavini vurğulayıb ki, ölkənin Amerika istiqamətində inkişaf edəcəyi “qala divarı” siyasəti Moskva üçün əsas xarakter alıb. Ryabkov əlavə edib ki, Rusiya tərəfi Amerika tərəfinə gərginliyi daha da artırmamaq üçün xəbərdarlıq edib.

“Gücümüzü sınamaq üçün sonsuz səylərin sərt əks tədbirlərə səbəb olmayacağını düşünməklə yanılırlar. Bu, indi görülənlərdən qat-qat çətindir”, – diplomat sözlərini yekunlaşdırıb.

//Gülnarə Abasova, Editor.az