Rusiya xarici işlər nazirinin müavini Mixail Qaluzin Azərbaycanın bu ölkədəki səfiri Rəhman Mustafayevi qəbul edib.

Bu barədə Oxu.Az Rusiya Xarici İşlər Nazirliyinin (XİN) saytına istinadla xəbər verir.

Görüşdə Moskva-Bakı münasibətlərinin gələcək inkişaf perspektivləri müttəfiqlik qarşılıqlı fəaliyyət müstəvisində müzakirə edilib, ikitərəfli və regional gündəliyin bir sıra aktual mövzuları nəzərdən keçirilib:

“Həm Rusiyada, həm də Azərbaycanda bu il planlaşdırılan dövlətlərarası təmasların və birgə tədbirlərin qrafiki dəqiqləşdirilib”.