Respublikaçılar Partiyasının ABŞ prezidentliyinə namizədi Donald Trampın hakimiyyətdə olduğu zaman Amerika rəsmilərinin Rusiya Federasiyası və Çinlə nüvə silahından təmizlənmə sazişi imzalamağa yaxın olduğu barədə açıqlamaları həqiqətə uyğun deyil.

Editor.az TASS-a istinadla xəbər verir ki, bunu Rusiya xarici işlər nazirinin müavini Sergey Ryabkov deyib.

Vəziyyəti şərh edən diplomat deyib: “Xeyr, bu doğru deyil. Lakin ictimaiyyətə yaxşı məlum olduğu kimi, bu cəhdlər nəticəsiz qaldı”.

Ryabkovun sözlərinə görə, Tramp administrasiyası dəfələrlə Çinin nüvəsizləşdirmə dialoqunda iştirakına maraq siqnalları göndərib. Rusiya Federasiyası da ABŞ-ın nüvə silahı olan müttəfiqlərini danışıqlar masasında görmək istəyirdi. Söhbət bu cür müzakirələrdə iştirak etmək istəməyən İngiltərə və Fransadan gedir. Nazir müavini bu faktı “təbii” kimi qiymətləndirib.

Oktyabrın 9-da Respublikaçılar Partiyasından prezidentliyə namizəd Flagrant YouTube kanalına müsahibə verib. Görüş zamanı o bildirib ki, hakimiyyətdə olduğu dövrdə Vaşinqton, Moskva və Pekinin nüvə silahından tamamilə imtina etməyə hazır olduqları iddia edilib. Siyasətçinin dediyi kimi, o zaman digər ölkələr də müvafiq sazişə qoşulmalı olub.

//Gülnarə Abasova, Editor.az