Rusiyanın Novosibirsk şəhərində “Cargolux Airlines International” aviaşirkətinə məxsus “Boeing 747” təyyarəsi bir neçə saat ərzində iki dəfə təcili eniş etməli olub.

Editor.az Trend-ə istinadən bildirir ki, gecə saatlarında Novosibirskdən Çinin Çancou şəhərinə uçmalı olan təyyarə şassi ötürücüsünün işə düşməməsi ilə əlaqədar hava limanına geri qayıdaraq təcili eniş edib.

Eniş adi rejimdə baş tutub, xəsarət alan olmayıb. Təyyarəyə keçirilən texniki baxış nəticəsində uçuşun bir neçə saat sonra təkrarlanması qərara alınıb.

Amma eyni problem ikinci dəfə qeydə alındığı üçün təyyarə yenidən Novosibirsk aeroportuna qayıdıb.