Rosaviasiya gecə saatlarında Kazan, Nijnekamsk, Saratov və Ulyanovsk hava limanlarının fəaliyyətinə müvəqqəti məhdudiyyətlər tətbiq edib.

Məhdudiyyətlərə səbəb mülki təyyarələrin təhlükəsizliyini təmin etmək olub.

Federal Hava Nəqliyyatı Agentliyi saat 5:30-da Saratov, Ulyanovsk – 7:00, Kazan və Nijnekamsk – 8:00-da hava limanının fəaliyyətinə qoyulan məhdudiyyətləri aradan qaldırıb. Təyyarələr alternativ aerodromlara getməli olmayıb. Qeyd edək ki. hava hücumundan müdafiə sistemləri gecə saatlarında 32 pilotsuz təyyarəni vurub, onlardan 11-i Saratov vilayəti üzərində məhv edilib. Engelsdə sənaye zavodunda yanğın olub. “Azərbaycan Hava Yolları” QSC Kazan üzərində hava məkanının bağlanması ilə əlaqədar Bakı-Kazan reysini təxirə salıb.

//Samir Qurbanov, Editor.az