Editor.az bildirir ki, bu barədə “Cənub” Müdafiə Qüvvələrinin birgə mətbuat mərkəzinin rəhbəri Natalya Qumenyuk martın 16-da xəbər marafonunun efirində deyib. Onun sözlərinə görə, Qara dənizdə gəmi qruplaşmasının və düşmənin hərəkətləri diqqətlə izlənilr. İndi Qara dənizdə 20 ədəd gəmi var, onların arasında dörd ədəd hər biri 28 raket daşıya bilən (biri sualtı olmaqla) gəmi var.

Eyni zamanda burada köməkçi donanmanın bir çox bölmələri də qeydə alınıb. Gəmilər səpələnmiş vəziyyətdədir və bəlkə də onlar Amerika pilotsuz təyyarəsinin qalıqlarını tapmaq istəyirlər. Qumenyuk qeyd edib ki, işğalçılar “Qara dənizdəki hərbi dəniz əməliyyatları teatrını mümkün qədər ört-basdır etməyə və öz hərəkətlərini ukraynalı müdafiəçilərdən gizlətməyə” çalışırlar. Lakin onların diqqətlə izlənilməsi nəticə verir – ukraynalılar düşmənin bütün addımlarını əvvəlcədən görür və başa düşürlər.