Rusiya ordu komandanlığı Qara dənizə daha iki raketdaşıyıcı və bir sualtı qayıq gətirib.
Editor.az xəbər verir ki, bu barədə “Yuq” Əməliyyat Komandanlığından bildiriblər. Xəbərə görə, “16-ya qədər “Kalibr” raketləri ilə təchiz edilmiş iki yerüstü raketdaşıyıcı Qara dənizə daxil olub.
Raket zərbəsi təhlükəsi son dərəcə yüksəkdir”. Komandanlıq əlavə edib ki, saat 11:30-a olan məlumata görə, ruslar Qara dənizdə reaktiv yaylım atəşi sistemlərinin mövcudluğunu da artırmağa davam edir. Bundan əlavə, bir sualtı qayıq da gətirilib ki, onun da ümumi salvosu 20-yə qədər raketə bərabərdir.
Məlumatda həmçinin qeyd olunur ki, şərq istiqamətində və Azov dənizinin suları üzərində düşmənin taktiki aviasiyasının fəallığı artır. Kəşfiyyat PUA-larının fəaliyyəti istisna edilmir.
//Samir Qurbanov,Editor.az