Ukraynanın “Şaxtyor” klubunun futbol akademiyasının məşqçisi Rusiya tərəfindən atılan mərminin qəlpəsinə tuş gələrək həlak olub. 

Klubun baş direktoru Sergey Palkin futbol ictimaiyyətinə müraciət edib:

“Əməkdaşımız dünən vəfat edib. Onu rus mərmisinin parçası həlak elədi. Rusiya ukraynalıları öldürür. Bu dəliliyi dayandırın! Susmayın, danışın! Əks halda bu, şəxsi məğlubiyyətiniz olacaq. Həm də gələcək nəsillərin yaddaşında qalacaq, dünya tarixindən silinməyəcək bir məğlubiyyət. Hər biriniz törədilmiş cinayətlərə görə məsuliyyət daşıyacaqsınız”.

Publika.az