Türkiyənin Eskişehir şəhərində 18 yaşlı gənc şəhər parkına gələnlərə bıçaq və balta ilə hücum edib.

“Cümhuriyyət” və “Yeni Şafak” qəzetləri xəbər verir ki, 5 nəfər xəsarət alıb və onların hamısı xəstəxanaya yerləşdirilib. Həkimlər onlardan ikisinin vəziyyətini ağır kimi qiymətləndirirlər. Hücum edən şəxs saxlanılaraq polis bölməsinə aparılıb.

Nəşrlərin məlumatına görə, hadisə Uluonder bölgəsində baş verib. Hər iki qəzet hücuma görə dəbilqə, parça maska və zireh geyinmiş 18 yaşlı gəncin adını çəkib. “Yeni Şafak” yazır ki, onun adı Arda K., “Cümhuriyyət” isə yalnız baş hərfləri verir – A.K. Hücumdan sonra gənc qaçmağa çalışsa da, polis tərəfindən saxlanılıb.

Hazırda o, Təpəbaş rayon polis idarəsinə aparılıb. Gəncin parka gələnlərə hücumu “hərbi xarakterli kompüter oyunlarının təsiri altında” həyata keçirildiyi güman edilir.

//Samir Qurbanov, Editor.az