Bu gün bəzi saytlarda Azərbaycan Qida Təhlükəsizliyi Agentliyinin (AQTA) Gəncədə aptekdə çaytikanı adı altında günəbaxan yağının satılması haqda məlumatı yayılıb.

Məsələ ilə bağlı saytımıza açıqlama verən adıçəkilən yağların istehsalçısı olan “SEL” MMC -nin İdarə heyətinin sədri Kəyan Kazımov yazılanları təkzib etdi.

Onun sözlərinə görə, “SEL” MMC-də çaytikanı yağı 2011-ci ildən istehsaldadır:
“İstehsal etdiyimiz çaytikanı yağının keyfiyyətini təsdiq edən bütün lazımı sənədlər var. İstər laboratoriya, istər uyğunluq, istərsə də mənşə sertifikatı var.Nəzərinizə çatdırım ki, Qida Təhlükəsizliyi İnstitutunun müvafiq laboratoriyasının bizim məhsul haqda qərarı düzgün deyildir.
Bu məsələ ilə bağlı AQTA -nın labaratoriyasına müraciət edəcəyik.

Məsələ ondadır ki, təbiətdə çaytikanı yağı halında bir element yoxdur. Çaytikanı meyvələri günəbaxan yağında o vaxta qədər ekstraksiya olunur ki, toxumların qabığında və dənəsində olan karotinin miqdarı 120 mq/% qram həddinə çatır. Və yalnız bundan sonra o çaytikanı yağı adlanır.
İstehsal olunan çaytikanı yağı günəbaxan yağında karotinlərin miqdarıdır.
İdarə heyətinin sədri daha sonra mediaya səslənərək, qarşı tərəfin mövqeyini dərc etməyi xahiş edir.

Tribunainfo