Seneqal prezidenti Bassirou Diomai Fay bildirib ki, Fransa hərbi bazalarının ölkəsinin ərazisində olması milli maraqlara cavab vermir və Afrika dövlətinin suverenliyi ilə bir araya sığmır.

O, əlavə edib ki, obyektlərin mümkün bağlanması “parçalanma aktı” olmayacaq. O, eyni zamanda 1944-cü ildə müstəmləkə qoşunları tərəfindən yerli əsgərlərin qətliamına görə Fransa prezidenti Emmanuel Makrondan üzr istəməsindən danışıb. “Seneqal müstəqil, suveren ölkədir və suverenlik xarici hərbi bazaların mövcudluğuna imkan vermir”, – deyə Fay AFP-yə müsahibəsində bildirib. Bu baxımdan Qərbi Afrika dövlətinin prezidenti ölkə ilə Çin, ABŞ, Türkiyə və Səudiyyə Ərəbistanı kimi dövlətlər arasında konstruktiv münasibətlərin mövcudluğuna diqqət çəkib. “Onların heç birinin Seneqalda hərbi bazaları yoxdur” – Bassirou Diomai Fay vurğulayıb.

Dövlət başçısı istisna etməyib ki, gələcəkdə ölkə Seneqal əsgərlərinin 80 il əvvəl törətdiyi qırğına görə Fransadan rəsmi üzr istəməsini tələb edəcək. “Bu gün mən Makrondan bunun qətliam olduğunu etiraf edən məktub aldım. Çox aydın, heç bir qeyri-müəyyənlik olmadan”, Fay bildirib.

//Samir Qurbanov, Editor.az