Şengen vizası bahalaşırbackend

Şengen vizası bahalaşır

  • whatsapp
  • messenger
  • telegram
  • vkontakte
  • odnoklassniki

Şengen vizası iyunun 11-dən bahalaşacaq. Böyüklər üçün qiymət 90 avro (təxminən 166,2 manat), 6-12 yaş uşaqlar üçün isə 45 avro (83,1 manat) olacaq. Qiymət artımı bütün dünyada turistlərə təsir edəcək.

Bu barədə Sloveniya Xarici İşlər Nazirliyi məlumat yayıb.

Bildirilir ki, Avropa Komissiyası qısamüddətli Şengen vizasının (C növü vizası) qiymətini inflyasiya səbəbindən 12% artırmaq qərarına gəlib.

Avropa Komissiyası hesab edir ki, Şengen zonası üçün viza rüsumları hələ də nisbətən aşağıdır. Məsələn, ABŞ-yə viza 185 avro (341,7 manat) və ya 172 avro (317,7 manat), Böyük Britaniyaya isə 115 funt sterlinqdən (248,3 manat) başa gəlir.

Qeyd edək ki, bundan əvvəl Şengen vizasının qiymətləri böyüklər üçün 79,2 avro (146,3 manat) və uşaqlar üçün 39,6 avro (73,1 manat) olub.