Serbiya hakimiyyəti deyəsən Qərbin tərəfini tutmağa və Ukraynaya qarşı genişmiqyaslı müharibəyə başlayan Rusiyadan üz döndərməyə başlayıb.

Editor.az bildirir ki, bu barədə Amerikanın “Politico” nəşri prezident Aleksandr Vuçiçin ictimai bəyanatlarını və davranışını təhlil edərək yazıb. Qeyd olunur ki, indiyədək Belqradda hakimiyyət iki əks vektor arasında “hasarda oturmağa” çalışırdı.

Bu səbəbdən də Vuçiç və hökuməti daim sərt tənqidlərə və təzyiqlərə məruz qalırdı. Son Münhen Təhlükəsizlik Konfransının kənarında mediaya danışan Vuçiç Serbiyanın diplomatik baxımdan “odla su arasında” qaldığını söyləyərək, bildirib ki, son qərarın verilməsi və nəhayət, “hasardan” enməyin vacibliyini başa düşüb: “Məndən bir təklif alacaqsınız: Serbiya Aİ yolunda qalacaq. Yaxşı, özünüz nəticə çıxarın. Amma düşünürəm ki, siz məni başa düşürsünüz.

Lakin şübhəsiz ki, gələcəkdə bəzi çətin seçimlər etməli olacağıq”, – . Vuçiç deyib. Nəşr qeyd edir ki, Vuçiç siyasi karyerası ərzində artıq bir neçə “böyük dönüşlər” edib ki, bu da Moskva ilə uçurumu real ssenariyə çevirir: “Serbiya lideri açıq şəkildə hər iki tərəfdən güclü təzyiq hiss edir. Aİ rəsmiləri vurğulayırlar ki, üzvlüklə bağlı istənilən irəliləyiş Belqradın xarici siyasətindəki dəyişikliyə bağlıdır. Digər tərəfdən, Rusiya Kosovo məsələsində Serbiyanı dəstəkləyən ənənəvi müttəfiqdir və Ukraynanın işğalından sonra ictimai rəy sorğuları onun Qərbə meylliliyini vəd etmir.

  //Samir Qurbanov, Editor.az