Latviya Seymi yekun oxunuşda sərxoş sürücülərdən müsadirə edilən avtomobillərin Ukrayna hökumətinin xeyrinə verilməsinə icazə verən düzəlişləri qəbul edib.

Editor.az bildirir ki, bu barədə LETA Seymin mətbuat xidmətinə istinadən xəbər verir. Bununla əlaqədar Ukraynanın mülki əhalisinə dəstək haqqında qanuna əlavələr edilib. Qanunun annotasiyasında qeyd edilir ki, müsadirə edilmiş avtomobillərin verilməsi ilə bağlı qərarı hər bir halda Latviyanın Nazirlər Kabineti qəbul edəcək. Avtomobilin təhvil verilməsi prosesi Ukrayna hökuməti ilə əməkdaşlıq edən və yardım üçün müvafiq müraciətləri qəbul edən təşkilat vasitəsilə təşkil olunacaq: “Hazırda biz sərxoş sürücülərdən müsadirə edilmiş avtomobilləri satmaqla, emal üçün təhvil verməklə və ya ehtiyat hissələri üçün sökməklə sata bilərik. Lakin görürük ki, hazırkı şəraitdə onlar Ukrayna xalqına faydalı ola bilər”, – Raymonds bildirib.

Qeyd edək ki, 2022-ci ilin noyabrında Latviyada sürücünün bədənində spirt konsentrasiyası 1,5 ppm-dən çox olduğu halda, sürücülər üçün cinayət məsuliyyətini nəzərdə tutan qanun qüvvəyə minib. Bu həm də sərxoş sürücülərdən avtomobillərin müsadirə olunmasına imkan verir. Avtomobillər Dövlət Təchizat Agentliyinin dayanacaqlarında saxlanılır, sonra hərraca çıxarılır.

  //Samir Qurbanov, Editor.az