Oktyabrın 13-ü səhər saatlarında işğal altındakı Sevastopolda güclü partlayış baş verib.

Editor.az bildirir ki, bu barədə “Crimea.Realities” məlumat yayıb. Məlumata görə, partlayışın təsiri hətta şəhərin ucqar yerlərində də hiss olunub. Kilsələr yaralı rus hərbçiləri üçün qan çatışmazlığı ilə bağlı məlumatlar yayır və insanları qeydiyyatdan keçməyə və qan verməyə təşviq edirlər.

Sevastopolun rusiyalı “rəhbəri” Mixail Razvozhayev bildirib ki, partlayışlar Rusiyanın hərbi təlimləri ilə bağlı olub. “Crimean Wind” Telegram kanalı ilk olaraq “Buyan-M” layihəsinin Rusiya daşıyıcı raketində partlayış baş verdiyini elan edib. Daha sonra isə kanal bu məlumatı təkzib edib: “Daha aydın fotolar aldıq. Bu, RTO deyil, “Vasili Bıkov” tipli “Project 22160” patrul gəmisidir.

O, yol kənarında yerləşir və zahiri görkəmi yerindədir”. Dəniz Qüvvələrindən verilən şərhdə, “Buyan-M” layihə gəmisində partlayışla bağlı məlumatı hələ təsdiq edə bilməyəcəyini bildirib.

//Samir Qurbanov, Editor.az