Şimali Koreya lideri Kim Çen In bildirib ki, o, Rusiya ilə strateji əməkdaşlığı gücləndirmək və “Rusiya prezidenti Vladimir Putinlə sıx əl-ələ tutaraq, güclü ölkə qurmaq və qlobal sülh və təhlükəsizliyin etibarlı müdafiəsi”ni qurmaq istəyir.

Editor.az Şimali Koreyanın dövlət mediası KCNA-nın məlumatına istinadən xəbər verir ki, bu barədə onun Rusiyanın milli günü münasibətilə müraciətində deyilir. Diktator Rusiya Federasiyasının Ukraynaya qarşı müharibəyə başlamaq qərarını da dəstəkləyib. “Rusiya prezidentinin düzgün qərarı və göstərişləri sayəsində Rusiya xalqının Rusiyanı suverenliyindən, təhlükəsizliyindən və dinc həyatından məhrum etməyə yönəlmiş düşmən qüvvələrinin təhdid və çağırışlarının artmasına qarşı mübarizəsi yeni həlledici mərhələyə qədəm qoyub.

Ədalət mütləq qalib gələcək və rus xalqı qələbə tarixini, onun özünəməxsus ənənəsini tərənnüm etməyə davam edəcək”, – Kim deyib. O, həmçinin Rusiya xalqına “tam dəstək və həmrəylik” ifadə edib və bəyan edib ki, Rusiya Federasiyası guya “suveren dövlətləri qorumaq kimi müqəddəs işi təcəssüm etdirir”. Şimali Koreya lideri Rusiya ilə daha sıx strateji əməkdaşlığa hazır olmaqdan da yan keçməyib.

O, öz mesajında iki ölkə xalqlarının böyük nailiyyətlərə nail olmaq üçün ümumi istəklərinə uyğun olaraq, Rusiya prezidenti ilə sıx əl-ələ tutaraq, KXDR və Rusiya arasında daha sıx strateji əməkdaşlığa can atmağa hazır olduğunu bir daha təsdiqləyib. Məqsəd qüdrətli ölkə qurmaq və qlobal sülhü və təhlükəsizliyi etibarlı şəkildə qorumaqdır”, – Şimali Koreya dövlət mediası yazıb.

 //Samir Qurbanov,Editor.az