Şimali Koreya ABŞ-ın Cənubi Koreya ilə sıx hərbi əlaqələrinin regionu nüvə müharibəsinə yaxınlaşdırdığı barədə xəbərdarlıq edib.

Editor.az xarici mediaya istinadən bildirir ki, Koreya Mərkəzi Xəbər Agentliyi (KCNA) 11 günlük ABŞ-Cənubi Koreya təliminin Şimalı işğal etmək üçün real müharibəyə hazırlıq məşqi olduğunu iddia edərək, məşqin getdikcə diqqətəlayiq hala gəldiyini qeyd edib.

Bazar ertəsi başlayan təlim 30-dan çox ayrı-ayrı məşqdən ibarətdir ki, bu da kompüterdə simulyasiya edilmiş döyüş oyunlarını sahə təlimi ilə birləşdirir. ABŞ Hərbi Dəniz Qüvvələrinə görə, təlim (ABŞ-Cənubi Koreya) ittifaqının regionda sülh və təhlükəsizliyin təməl daşı kimi rolunu möhkəmləndirməyə kömək edəcək.

//Safura Bənnayeva, Editor.az