Malayziya hakimiyyəti 2026-cı ilə qədər 16 yaşdan kiçik istifadəçilər üçün sosial medianı qadağan etmək niyyətindədir. Malayziya təhlükəsizlik problemləri səbəbindən uşaqların rəqəmsal platformalara çıxışını məhdudlaşdırmaq qərarına gələn ölkələrin artan siyahısına qoşulacaq.

Editor.az xəbər verir ki, Reuters agentliyinin məlumatına görə, planlaşdırılan məhdudiyyətlər 23 noyabrda rabitə naziri Fəhmi Fadzil tərəfindən elan edilib. Hökumət Avstraliyada və digər ölkələrdə sosial mediaya yaş məhdudiyyətləri tətbiq etmək üçün istifadə olunan mexanizmləri araşdırır. Məhdudiyyətlər əsasən gəncləri uşaq zorakılığı, maliyyə fırıldaqları və cinsi istismar kimi onlayn təhdidlərdən qorumaq ehtiyacından irəli gəlir.
Yerli tabloid “New Straits Times” xəbər verir ki, platformalar texniki olaraq gələn ilə qədər elektron identifikasiya sistemlərini qadağaya hazırlamalıdırlar. Məhdudiyyətlərin tətbiqi mexanizmlərinin yaxın aylarda ictimaiyyət və operatorlarla müzakirə ediləcəyi gözlənilir.

//Samir Qurbanov, Editor.az