ABŞ prezidenti Donald Trampın xüsusi nümayəndəsi Stiv Vitkoff “Breitbart” portalına müsahibəsində Ukraynadakı hərbi münaqişənin həlli çərçivəsində həll edilməli olan məsələləri sadalayıb.

O, əsas mövzular kimi ərazilər məsələsi, Zaporojye Atom Elektrik Stansiyası (ZNPP), Ukraynanın Dneprdən istifadə etməsi və Qara dənizə çıxış imkanlarını qeyd edib: “Biz tərəfləri masaya oturtsaq, onlar bir-biri ilə danışsalar, aralarındakı məsələləri daraldsaq, sonra onların hər bir problemi üçün kompromislər və yaradıcı həll yolları tapsaq, onları həll etmək asan olacaq. Fiziki olaraq bunu edəcəyik və düşünürəm ki, inşallah, tezliklə yaxşı xəbərlərimiz olacaq, amma fiziki olaraq bunu etsək, mənim fikrimcə, münaqişənin sona çatması üçün böyük şansımız olacaq”.

Qeyd edək ki, ötən həftə Vladimir Putin Rusiya və Ukrayna arasında 2022-ci ildə kəsilmiş birbaşa danışıqların bərpasını təklif edib. O, bu cümə axşamı, mayın 15-də İstanbulda nümayəndə heyətlərinin görüşünü keçirməyə çağırıb. Ukrayna prezidenti Vladimir Zelenski cənab Putinlə birbaşa danışıqlara hazır olduğunu bildirib. ABŞ prezidenti Donald Tramp da İstanbula gələcəyinə ehyam vurub.

//Samir Qurbanov, Editor.az