Sülh müqaviləsi prezident seçkilərindən əvvəl, yoxsa sonra imzalanacaq? – Açıqlamabackend

Sülh müqaviləsi prezident seçkilərindən əvvəl, yoxsa sonra imzalanacaq? – Açıqlama

  • whatsapp
  • messenger
  • telegram
  • vkontakte
  • odnoklassniki

“Seçkilər həm danışıqlar prosesinə, həm də sazişin imzalanmasına heç bir təsir göstərməyəcək. Çünki Azərbaycanın mövqeyi kifayət qədər prinsipial və qətidir”.

 

Bu sözləri Yenisabah.az-a açıqlamasında politoloq Fikrət Sadıxov deyib.

O, sülh müqaviləsinin 2024-cü ildə imzalanacağı ilə bağlı ehtimalları şərh edib.

Xatırladaq ki, nüfuzlu “The Guardian” nəşrinin bununla bağlı yayımlanan məqaləsində bildirilib ki, iki ölkə münasibətləri normallaşdırmaq və sərhədləri qarşılıqlı tanımaqla sülh sazişinin imzalanması barədə danışıqları sürətləndirib.

Məqalənin müəllifi Patrik Vinturun, ilk növbədə, Azərbaycan Prezidenti İlham Əliyevin və Ermənistanın Baş naziri Nikol Paşinyanın bu günlərdə Sankt-Peterburqda görüşdüklərini xatırladıb.

Qeyd edilib ki, Azərbaycanın rəsmi şəxsləri ölkənin çoxillik münaqişəyə son qoymaq üçün Ermənistanla sülh sazişinin imzalanmasına yaxın olduğunu bəyan ediblər.

F. Sadıxovun fikrincə, Ermənistandan fərqli olaraq, Azərbaycan bu məsələdə mövqeyini dəyişmir:

“Əvvəlcədən demişik ki, regionda sülh və əmin-amanlığın yaranması tərəfdarıyıq, ona görə də bu istiqamətdə əlimizdən gələni edəcəyik ki, bütün addımlar bu yöndə getsin. Sülh sazişinin seçkilərlə əlaqələndirməni düzgün hesab etmirəm. Axı nə dəyişə bilər?!”

Analitikin sözlərinə görə, Azərbaycanın əsas məqsədi Ermənistanla normal münasibətlər yaranması, bir sıra problemli məsələləri həlli və kommunikasiyaların açılmasına nail olmaqdır:

“Ermənistan buna maneələr törədir. Əminəm ki, 2024-cü ildə rəsmi Bakı bu istiqamətdə müəyyən addımlar atılacaq. Öz maraqlarımız kontekstində rəsmi İrəvanın maraqlarını da nəzərə alaraq, rutin işimizi həyata keçirməliyik. Əsas odur ki, sülh və əmin-amanlıq bölgədə hökm sürsün.

Sazişin nə zaman imzalanmasına gəldikdə isə bunu indidən proqnoz etmək çox çətindir. Çünki hazırda elə bir turbulent və mürəkkəb şəraitdə yaşayırıq ki, hansısa tarix demək çox çətindir”.